Эш эзләүче чаллылылар 20 сентябрьдә вакантлы эш урыннары ярминкәсенә чакырыла
Яр Чаллы шәһәренең "КАМАЗ" мәдәният сараенда 20 сентябрь көнне шәһәрнең халыкны эш белән тәэмин итү үзәге тарафыннан вакантлы эш урыннары ярминкәсе узачак.
Чарада 10 предприятие: "Чаллы-Икмәк" АҖ, "Содексо Евразия" ҖЧҖ, "СпецСтальКонструкция" ҖЧҖ, "Кузнечный завод" ГАҖ, Автозавод районы башкарма комитеты администрациясе һ. б. кадрлар хезмәтләре вәкилләре катнашыр дип көтелә.
Дәгъва кылучыларга түбәндәге вакансияләр тәкъдим ителәчәк: сигналист, территория оешмалары белән эшләү бүлеге белгече (тәртип саклау җәмәгать пунктында эшләү өчен), слесарь-ремонтчы, слесарь-сантехник, электр җиһазларын ремонтлау һәм аларга хезмәт күрсәтү буенча электромонтер, официант, кухняда эшләүче, тест формовщик, пешекче, кондитер, фрезерчы, стропальщик, кузн-пресс эшләрен тикшереп торучы һәм башкалар.
Килүчеләр предприятиеләрнең кадрлар хезмәте вәкилләре белән әңгәмә корып, вакансияләр турында тулы мәгълүмат ала алачак.
Вакантлы эш урыннары ярминкәсе Яр Чаллы шәһәре, Тынычлык проспекты, 87/22 йорт адресы буенча узачак. Чара 10.00 сәгатьтә башлана.