Әлмәттә вакансияләр ярминкәсе оештырылачак

2018 елның 13 сентябре, пәнҗешәмбе

2018 елның 21 сентябрендә иртәнге сәгать 9 да Әлмәт шәһәренең халыкны эш белән тәэмин итү үзәгендә пенсиядәге һәм пенсия яшенә җитеп килүче гражданнар, шулай ук барлык теләүчеләр өчен вакансияләр ярминкәсе узачак.

Ярминкәгә килүчеләргә; хезмәт белән тәэмин итү үзәгендә булган вакансияләр банкы белән танышырга; эш бирүчеләр белән очрашып әңгәмә узарга, эшкә урнашу хакында килешергә; психолог-профконсультантта һөнәри ориентацияңне  билгеләү өчен тест узарга мөмкин булачак.

Чара Әлмәт шәһәре, Герцен урамы, 86 А адресы буенча оештырыла.

Белешмәләр өчен телефон: (8553) 32-34-95.