Алабугада профориентация форумы узды

2018 елның 11 сентябре, сишәмбе

"Яшь төзүче" балалар лагерында 8-9 сентябрьдә "Һөнәрләр территориясе" яшьләр форумы булып узды.

Форумны Алабуганың мәшгульлек үзәге һәм Алабуга муниципаль районы оештырды. 14-15 яшьлек мәктәп балалары һәм физик мөмкинлекләре чикле балалар алдан оештырылган тест буенча, командаларга бүленде: Кеше - табигать, кеше-кеше, кеше-техника һ.б.

Ике көн дәвамында балалар төрле тренингларда катнашты. Төрле һөнәрләр турында тулы мәгълүмат алды, уку йортлары турында белештеләр. Форум программасында иҗади биремнәр дә башкарылды. Профориентация форумы азагында 125 катнашучыга мәгълүмати материаллар һәм сертификатлар тапшырылды.