Зәйдә һөнәри ориентация буенча мәгълүмат бирелде
Зәй мәшгульлек үзәгенең эшкә урнаштыру һәм махсус программалар буенча бүлеге башлшыгы Ольга Лаптева шәһәрнең 6нчы гомумбелем бирү мәктәбе тугызынчы сыйныф укучыларының ата-аналар җыелышында һөнәри ориентация буенча мәгълүмат белән чыгыш ясады.
Ул әти-әниләргә Зәй районында хезмәт базары торышы, хәзерге шартларда эш эзләү мөмкинлекләре, яшүсмергә киләчәк һөнәрен сайлауда ярдәм итү, хезмәт базарын өйрәнеп иҗтыяҗ зур булган һөнәрләр һәм шул һөнәргә өйрәтүче уку йортлары турында мәгълүмат алу буенча сөйләде.
Шулай ук, әти-әниләр балаларының мәшгульлек үзәгенә килеп киләчәк эшчәнлек сферасын билгеләү буенча түләүсез тест үтү, белгечләрдән консультация алу мөмкинлекләре булуы турында да белделәр. Әлеге мәгълүматлар чыгарылыш сыйныф укучыларына киләчәк һөнәрне дөрес сайлауда, кирәкле карарга килүдә ярдәм итәр дип ышанабыз.