Чаллыда вакансияләр ярминкәсе узачак
2018 елның 29 августында Чаллының мәшгульлек үзәге буш эш урыннары ярминкәсе үткәрәчәк. Чара 9.00 да башлана.
Ярминкәнең эшендә шәһәрнең 12 оешмасыннан кадрлар белән эшләүче белгечләр катнашачак: “Олимпия” спорт мәктәбе, балалар хореография мәктәбе, 96 нчы санлы балалар бакчасы “Умничка”, шәхси эшмәкәр Дрозд Дмитрий Федорович, шәхси эшмәкәр Гатиатуллина Ләйсән Тагир кызы, ПАҖ КАМАЗ “Логистик үзәге” һәм башкалар.
Эш бирүчеләр түбәндәге вакантлы эш урыннарын тәкъдим итәчәкләр: шәфкать туташы, ярдәмче эшче, костюмер, кассир, урам себерүче, информатика укытучысы, дизайнер, менеджер, җитештерү һәм хезмәт мәйданнарын җыештыручы, төрле эш башкаручы һәм башкалар.
Ярминкәгә килүчеләр оешма вәкилләре белән әңгәмә вакытында, вакантлы эш урыннары турында тулы мәгълүмат ала алачаклар (эш графигы һәм характеры, квалификацион тәлапләр, хезмәткә түләү системасы һәм башкалар).