Алмалы Спас – "Сусыл Алма"

2018 елның 22 августы, чәршәмбе

19 августта православ бәйрәме  - "Алмалы Спас" билгеләп үтелә. 2018 елның 20 нче августында социаль хезмәткәр Савинова С.А. һәм тәрбияче Шишкина Р.Г. Спас картлар һәм инвалидлар йортында яшәүчеләр өчен ачык һавада “Алмалы Спас” – “Сусыл алма” дигән чара уздырды.

Кичә барышында өлкәннәргә бәйрәмнең тарихы, алма музейлары, әлеге җимешкә бәйле йолалар һәм кызыклы фактлар турында сөйләнде. “Бәхәс алмасы” уены өлкәннәрдә аеруча зур кызыксыну уятты – катнашучылар алманы бер-берсенә тапшырып, аннан шырпыны тартып алырга һәм матур теләкләр әйтергә тиеш иде. Шулай итеп “бәхәс алмасы” “игелек алмасы”на әверелде.

Барлык катнашучылар да бик канәгать калды – алар чарадан файдалы мәгълүмат, яхшы кәеф алдылар. Чара ахырында өлкәннәргә әлеге бәйрәмнең символы булган бүләкләр - хуш исле һәм тәмле “сусыл алмалар”, шулай ук татлы күчтәнәч “кәнфитләр” өләшенде.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International