“Апрель” үзәгендә гарип балаларның ата-аналарына пенсия түләүләре турында сөйләделәр.

Казан шәһәре “Апрель” исемендәге чикләнгән мөмкинлекле балалар һәм яшүсмерләрне  реабилитацияләү үзәгенең актлар залында Пенсия фонды хезмәткәрләре гарип балалар ата-аналары белән  очрашу оештырдылар.

Очрашу барышында Мәскәү районы Пенсия фонды идарәсе пенсия билгеләү бүлеге башлыгы Боброва Алла Геннадьевна килгән тыңлаучыларга гарип балалар ата-аналары кулланырга мөмкин булган өстенлекләр белән таныштырды.

Аннан тыш монда киңәшмә пункты оештырылды.Әйдәп баручы эксперт-белгеч пенсия темасына кагылган төрле сорауларга җавап бирде. Ата-аналарны күбрәк пенсияне исәпләп чыгару, ай саен түләнә торган күләм һәм пенсиянең җыелган өлешеннән өстәмә түләүләр кызыксындырды.