Түбән Кама "Балкышы" Спас ярминкәсендә катнашты

2018 елның 8 августы, чәршәмбе

Түбән Каманың "Балкыш" балалар һәм яшүсмерләр приютында тәрбияләнүчеләр Россиякүләм Спас ярминкәсендә катнаштылар.

Алабугада оештырылучы ярминкә һәрвакыттагыча Шишкин сулыклары районында узды. Быел проектта Россиянең 99 шәһәреннән халык һөнәрләр осталары килде.

Ярминкәдә "Балкыш" приютында тәрбияләнүчеләр һәм тәрбиячеләр үз куллары белән иҗат иткән эшләнмәләрен тәкъдим итте. Шулай ук төрле җирләрдән килгән осталарның кул эшләнмәләре белән танышу да файдалы булды.  Ярминкә кунаклары төрле мастер-классларда да катнашты.