Татарстан Республикасы Хезмәт, халыкны эш белән тәэмин итү һәм социаль яклау министрлыгы

Казанда бильярд, волейбол һәм чаңгы ярышлары узды

2012 елның 5 марты, дүшәмбе

Казанның Б.Г. Макшанцев исемендәге 33нче һөнәр лицееның “Классик” бильярд клубында Татарстан Республикасының хезмәт, халыкны эш белән тәэмин итү һәм социаль яклау министрлыгына караган оешма хезмәткәрләре арасында спартакиада кысаларында бильярд һәм чаңгы буенча зона ярышлары уздырылды. Турнирда Казанның җиде район командасы катнашты.

Һәрбер район үзләренең иң яхшы 3 спорт белән шөгыльләнүче хезмәткәрләрен җибәрде.

Оештыручыларның сүзләренә караганда көн бик салкын булмады, чаңгы эзләре әйбәт иде, каты җил дә катнашучыларның спорт рухларын сындара алмады.Чаңгы нәтиҗәләре буенча Киров районы командасы – I урында, Яңа Савин районы – II урында, Идел буе районы – III урынга чыкты.

Бильярд буенча Казанның Идел буе җыелма командасы иң яхшы дип табылды.

Спартакиаданың 2 этапта үткәрелгәнен әйтеп үтәргә кирәк. Беренчесе 6 территориаль зонада - Әлмәттә, Арча районында, Яр Чаллыда, Апаста, Чистайда һәм Казанда.

Спартакиада барышында спортның 10 төре буенча ярышлар булачак, бу өстәл теннисы, мини-футбол, стритбол, бильярд, чаңгы ярышы, волейбол, шахмат, дартсе, йөзү, җиңел атлетика эстафетасы.

2012 елның июнендә республика чаралары кысаларында узачак социаль хезмәткәрләр Көнен билгеләп үткәч, спартакиада нәтиҗәләре билгеле булачак. Спартакиаданың максаты – министерство карамагындагы оешмаларда физкультура - спорт хәрәкәтенең үсешенә шартлар тудыру.

БАРЛЫК ЯҢАЛЫКЛАРНЫ УКУ