Чирмешәндә хәйрия акциясе

2018 елның 6 августы, дүшәмбе

Чирмешән  районының “Мәрхәмәтле йөрәк" халыкка комплекслы социаль хезмәт күрсәтү үзәге  бүлеге белгечләре “Мәктәпкә җыенырга булыш" республика хәйрия акциясен оештыруда һәм үткәрүдә катнаштылар.

Менә инде 11нче ел районда әлеге хәйрия акциясе үткәрелә. Акциянең максаты - авыр тормыш хәлендә калган районның яшь кешесенә ярдәм күрсәтү, яңа уку башланган вакытка алар мәктәпкә яхшы кәеф һәм тулаем мәктәпкә әзер килсеннәр өчен оештырыла.

2018 елның 3 августында "Яшьләр" скверында элеге акция уңаеннан мәктәп кирәк-яракларын тапшыру уздырылды.  Букча һәм мәктәп кирәк-яраклары спонсор ярдәме белән булдырылды.