"Изгелек"тә мәгълүмати очрашу
3 августта социаль-хокукый хезмәт уңаеннан “Изгелек” инвалидларны тернәкләндерү үзәгендә социаль хезмәт алучылар өчен пенсия һәм социаль тәэмин итү темасы буенча мәгълүмат-консультация булып узды.
Россиянең Чаллы шәһәре Пенсия фонды эксперт-клиентлар хезмәте баш тәҗрибәле эш белгече Миляуша Низамова пенсияләрне индексацияләү, “социаль пакет”, 80 яштән өлкәнрәк 1 төркем инвалид булганнарны карау компенсациясы турында аңлатма бирде.
Белгеч очрашу барышында: “Бердәм акчалата түләү”, “Шәһәрнең пенсия фондында җәмәгатьләрне кабул итү графигы”, “Дәүләт хезмәте порталында Шәхси кабинет ачу” - шундый шәхси характердагы сорауларга җавап бирде. Пенсия һәм социаль тәэмин итү темасы буенча мәгълүмати буклетлар таратты. Социаль хезмәт алучылар канәгать калдылар.