"Шатлык" балалары Казанның истәлекле урыннары белән таныша

2018 елның 27 июле, җомга

Шушы көннәрдә «Шатлык» приютында мәктәпкәчә һәм кечкенә яшьтәге балалар белән “Безнең шәһәрнең манаралары” турында дәрес үткәрелде.

Тәрбияче Ләйсән Шәрәфетдинова  һәм балалар кызыклы сәяхәттә "булып кайттылар".  Дәрес вакытында  алар Сөембикә һәм Спас манараларының каян барлыкка килүен белде.  Болардан тыш Казанның бүтән истәлекле урыннары белән дә таныштылар. “Түбәтәй” дигән уен уйнадылар. Дәрес ахырында балалар татар алъяпкычларын бизәделәр, аппликация ясадылар.