Әгерҗенең "Наз" приютында - ком терапиясе

2018 елның 24 июле, сишәмбе

Сәламәтлеккә файдалы арт-терапия төрендә ком терапиясе иң шәп ысулларның берсе санала.

Бу үзеңнең һәм тирә-як мохитнең эчке һәм тышкы җиһаны белән аралашуның бер төре. Бүген 24 нче июль көнне Әгерҗенең "Наз" балалар һәм яшүсмерләр социаль приютында мәктәп яшендәге укучылар белән педагог-психолог Е.Дрожжачих “Искиткеч сәяхәт” исемле ком теропиясен кулланып психология фәненнән дәрес үткәрде.

Бу дәреснең максаты: үзеңнең эчке киеренкелегеңне төшерү, ышаныч арттыру һәм яңа төр үсеш юллары булдыру иде. Бу ком терапиясе белән уздырылган дәрес балаларга эчке һәм тышкы җиһанны күрергә,танырга ярдәм итте.