Биектауның "Өмет" белгечләре янгын куркынычсызлыгы буенча белемнәрен чарлады

2018 елның 24 июле, сишәмбе

19-20 июль көннәрендә "Куркынычсызлык әлифбасы" уку үзәгендә укулар узды. Анда Биектау районының "Өмет" социаль үзәгенең 42 хезмәткәре белемнәрен чарлады.

"Янгын сүндерү-техник минимум" программасы  буенча уку барышында "Өмет" белгечләре янгын куркынычсызлыгы буенча яңа кануннар белән танышты. Янгын вакытында үз-үзләрен тоту кагыйдәләрен өйрәнде.  Программага практик дәресләр дә кертелгән иде. Янгын сүндерү җайланмалары белән эш иттеләр, янгыннан башкаларны коткару серләрен дә өйрәнделәр. Уку курсын тәмамлаган һәр хезмәткәргә махсус таныклык тапшырылды.