Бүген Югары Ослан картлар һәм инвалидлар интернат-йортында православ дин әһелләре кунакта булды. Алар бирегә Гаилә, мәхәббәт һәм тугрылык көне уңаеннан килде.
Хәйриячелек чарасы уңаеннан оештырылган очрашуда алар әлеге бәйрәмнең тарихын бәян итеп узды. Ә соңыннан интернаттагылар игътибарына концерт программасы тәкъдим ителде. Рус, татар телләрендә җырлар яңгырады. Сергей Костюков үзе иҗат иткән әсәрләрен укыды. Сәгать ярым барган бәйрәм, интернатта яшәүчеләрнең күңелен күтәрде.