Питрәчнең "Шатлык" приютында тәмәке тартуның зыяны турында сөйләштеләр

Питрәч районының “Шатлык” социаль приютында кече группа психологы Римма Садыкова "Тәрбиләнүчеләр арасында наркотиклар таралуына каршы карта формалаштыру” программасы нигезендә дәрес үткәрде.

Чараның максаты; балаларның яман гадәтләргә карата  каршы торучанлыгын арттыру, ди проект авторлары. Дәрестә төрле уен техникалары кулланылды:анкета, күнекмәләр булдыру  өчен “Кем күбрәк?, “Син нишләр идең?” дигән ролыле уеннар оештырылды.

Соңыннан балалар үзләренең уйлары һәм кичерешләре белән бүлеште. Командалы эштә балаларның, үз-ара күнекмәләре ныгыды, активлык артты, үз позицияләре формалашты. Дәрес нәтиҗәсендә тарту һәм кеше организмына зыяны проблемасы буенча информация дәрәҗәсе артты.