Әгерҗенең "Наз"ында гаилә турында сөйләделәр

2018 елның 10 июле, сишәмбе

Гаилә традицияләре һәм гореф-гадәтләре һәр гаиләнең ныклык нигезе, гаилә бәхете һәм иминлеге булып тора.

Һәрвакыт традиция гаиләнең мәҗбүри өлеше һәм гаилә вәкилләренең тойгы, кичерешләрен нык тотып торучы. Әгерҗенең "Наз" приютында тәрбияләнүчеләр арасында "Минем гаилә традицияләре" дигән чара уздырылды. Анда 8-16 яшьтәге 10 бала катнашты. Чараның максаты; тәрбия, мәхәббәт, ата-аналарга, гаиләгә хөрмәт,  гаилә традицияләрен ныгыту, ачу иде. Балалар үз гаиләләре, гаилә традицияләре турында сөйләде, бәйрәмнәрне ничек билгеләп үтүләрен искә төшерде. Чара ахырында балаларга үз гаиләсенең гербын уйлап табарга һәм ясарга тәкъдим ителде. Балалар кеше тормышында иң кадерле һәм иң мөһим гаилә икәнен аңлады.