Зәйдә профильле смена эше төгәлләнде

2018 елның 6 июле, җомга

6 июльдә Зәйнең 3нче урта мәктәбе базасы  мәктәп яны лагеренда һөнәри оринетлашу юнәлешендә эшчәнлек алып барган профильле сменага  нәтиҗә ясалды.

Смена дәвамында мәшгульлек үзәге белгечләре лагерьга йөрүче балалар өчен һөнәри ориентлашу буенча төрле чаралар: уеннар, экскурсияләр, викторина һ.б.лар оештырды. Нәтиҗә ясау чарасында “Мин һәм һөнәрләр дөньясы” дип аталган уен уздырылды, шулай ук истәлекле бүләкләр тапшырылды. Профильле лагерьда барлыгы 27 бала ял итте.