Чирмешән интернат-йортында әхлак темасына әңгәмәләр уза

2018 елның 28 июне, пәнҗешәмбе

Чирмешәннең картлар һәм инвалидлар йортында һәр көн саен мулла катнашында әхлак темасына әңгәмәләр оештырыла. 

Мондый чаралар интернат-йортта яшәүчеләрдә үзара татулыкны, милли һәм дини ихтирамлылыкны арттыра.  Коллективтагы төрле хәлләрне җайлаштыруга ярдәм итә.  Биредә туган көннәрне бергәләп оештыру йоласы да бар. Туган көннәрдә интернат-йорт җитәкчелеге бүләкләр тапшыра, котлаулар җиткерелә.  Өлкән яшьтәгеләр өчен аларны искә алу, игътибар күрсәтү мөһим чараларның берсе.