Әфьюнсыз тормыш

Әфьюнга тартылуны кисәтү һәм балигъ булмаганнар, аларның ата-аналарында сәламәт яшәү рәвешен үстерү максатларында Әлмәт муниципаль районы «Кайгырту» үзәгендә чара узды. Ул саен уздырыла торган әфьюнга каршы «Әфьюнсыз тормыш» хәрәкәте уңаеннан оештырылды.

2018нче елның 30 маеннан 30 июненә кадәр әфьюнга яки хәмергә бәйле затлар белән гаилә низагына дучар булган гаиләләр һәм балалар белән төрле психологик һәм педагогик чаралар үткәрелде:

- ПАМ куллануны кисәтүгә, бәйле кеше белән ничек торуны өйрәтүгә һ.б. юнәлдерелгән тренинглар;

- «Алдашу серләре. Әфьюн» фильмын карап, фикер алышу дәресләре;

- ПАМ куллануны кисәтүгә һәм сәламәт яшәү рәвешен алга сөрүгә юнәлдерелгән консультацияләр.

Әлеге хәрәкәтнең максаты булып, халыкара әфьюнны тискәре максатларда куллануга һәм законсыз әйләнешенә каршы көрәш көненә багышлап, халык белән әфьюн һәм психотроп матдәләрне дәвалану максатында булмаган куллануны кисәтү эше алып бару тора.

Бурычлар:

- ПАМ куллануны кисәтү, сәламәт яшәү рәвешен үстерүгә багышланган мәгълүмати-кисәтү эш тәртибен булдыру;

- сәламәт яшәү рәвешен алга сөрү;

- әфьюнны куллану ярамаганлыгы турында мәгълүматны арттыру.

Әлеге чарада 152 балигъ булмаган һәм 28 ата-ана катнашты.

Лаишның "Алтын көз" комплекслы социаль хезмәт күрсәтү үзәгендә дә наркотикларга каршы көрәш уңаеннан чара узды. Үзәк белгечләре волонтерлар белән берлектә гражданнарга наркотикларның афәте турында бәян иттеләр.