Сабан туе бәйрәме уңаеннан мастер класс
Чаллының “Изгелек” инвалидларны тернәкләндерү үзәгендә хезмәт буенча инструктор Зәмфирә Суфьянова социаль хезмәт алучылар өчен сәйлән техникасы кулланып, беләзек ясау буенча мастер – класс үткәрде.
Чараның максаты: конкурста катнашучылар өчен бәйрәм бүләкләре әзерләү һәм бәйрәм кәефе булдыру иде.
Белгеч социаль хезмәт алучыларга Сабан туе бәйрәменең борынгы тарихы һәм аның ТАССР елларында һәм безнең заманда үткәрелүе турында сөйләде. Чара барышында сәйлән техникасының барлыкка килү тарихын һәм беләзек ясау барышын аңлатты һәм күрсәтте. Чарада катнашучылар иҗади эшчәнлек белән мавыгып, җылы атмосферада үз куллары белән беләзек ясады.
Чара ахырында социаль хезмәт алучылар үзләренең иҗади эшләре белән горурланып, уңай эмоцияләр алды, белгечкә кызык һәм мавыктыргыч чара үткәргәне өчен рәхмәтләрен белдерделәр.
Мастер-класста барлыгы 13 кеше катнашты.