Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Минзәләдә өлкәннәр өчен сабантуе

2018 елның 8 июне, җомга

8 июнь көнне Минзәлә районы халыкка социаль хезмәт күрсәтү комплекслы үзәге белгечләре ТОС җитәкчесе Наилә Сәлимгәрәева белән берлектә, Россия көненә багышлап, “Сәламәтлек” клубы катнашучыларына “Өлкәннәр өчен сабантуе” оештырып үткәрделәр.

Бәйрәм матур итеп бизәлгән Муса Җәлил паркында үтте. Сабантуе мәйданында милли уеннар оештырылды. Ярышлар чүлмәк вату, йомырка белән кашык тотып йөгерү һәм башка уеннар җырлар һәм биюләр белән үрелеп барды.

Сабантуе һәрвакыт күп уңай тәэсирләр алып килә, көч, дәрт һәм энергия белән коралландыра, актив тормыш рәвешенә рухландыра, ди проект авторлары.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2024 ел

Татарстанлылар өчен хокукый ярдәм көне уздырылачак

Халыкка түләүсез юридик ярдәм күрсәтү, шулай ук гражданнарга хокукый белем бирү максатларында Татарстан Республикасында Кеше хокуклары буенча вәкаләтле вәкил һәм «Россия пенсионерлары берлеге» гомумроссия иҗтимагый оешмасының Татарстан Республикасы буенча төбәк бүлеге хокукый ярдәм көне үткәрәчәк.

Күпбалалы гаилә – зур хезмәт һәм олы бәхет

Татарстан Республикасының Балтач районында искиткеч Шакирҗановлар гаиләсе яши. Илнар белән Гөлназ 2010 елда өйләнешәләр. Бүген алар биш бала үстерәләр – кыз һәм дүрт ул. Назилә һәм Ильяс мәктәптә укыйлар, ә Сөләймән, Мөхәммәд һәм Ибраһим балалар бакчасына йөриләр.

Бергә йөрү күңелле

Актив яшәү рәвешен саклау һәм өлкән яшьтәге кешеләрнең сәламәтлеген саклау һәрвакыт актуаль. Россиядә Гаилә елы кысаларында Татарстанның Кайбыч районы «Өмет» халыкка социаль хезмәт күрсәтү комплекслы үзәгенең социаль хезмәткәрләре скандинав йөреше буенча гаилә дәресләре үткәрә. Таяклар белән йөрүгә тугыз пар чыга – Митрофановлар, Каюмовлар, Овчинниковлар, Башуриннар, Финагентовлар, Насыйбулловлар, Романовлар, Трофимовлар һәм Халиковлар.

Балтач районыннан сугыш ветераны өчен экскурсия үткәрделәр

Балтач районы «Наз» халыкка социаль хезмәт күрсәтү комплекслы үзәгенең өйдә социаль хезмәт күрсәтү бүлегендә 246 социаль хезмәт алучы бар. Алар арасында бер Бөек Ватан сугышында катнашучы, 21 тыл хезмәтчәне, сугышта катнашучыларның 3 тол хатыны бар.

ЯҢАЛЫКЛАРГА ЯЗЫЛУ