Кайбыч районында зона киңәшмәсе узды

2018 елның 30 мае, чәршәмбе

29 майда Кайбыч районында «Субъектларның социаль авыр хәлдә калган гаиләләрне һәм балаларны ачыклап, социаль тернәкләндерү системасында катнашуы турында» дигән темага зона киңәшмәсе узды.

Киңәшмәдә Татарстан Хезмәт, халыкны эш белән тәэмин итү һәм социаль яклау министрының урынбасары Юлия Абдреева һ.б. дәүләт оешмаларның вәкилләре катнашты.

Киңәшмә барышында социаль авыр хәлдә калган гаиләләрне һәм балаларны ачыклау, профилактик чаралар буенча 2018 елның 4 аена анализ ясалды. Очрашу вакытында гаиләләрне тернәкләндерү эшендә профилактик ысулларның индивидуаль программаларына да басым ясалды.