Яр Чаллының “Кояшкай” мөмкинлекләре чикләнгән балаларны һәм яшүсмерләрне тернәкләндерү үзәгендә “Бергә булдырабыз” проектын гамәлгә ашыру дәвам итә.
Бүген 49нчы номерлы кадет мәктәбе укучылары, укытучылары И.Селиванова җитәкчелегендә, “Бәхет кошы” дигән мастер-класс уздырдылар. 12 инвалид бала һәм аларның ата-аналары белгечләр белән бергә матур бәхет кошлары ясадылар. Балалар кадет мәктәбендә укучы яшьтәшләре белән аралаштылар.