«Мәрхәмәтле йөрәк» үзәге белгече балигъ булмаганнарның хокукый белемен арттырды

2018 елның 10 апреле, сишәмбе

“Мәрхәмәтле йөрәк” үзәгенең гаиләгә һәм балаларга социаль ярдәм күрсәтү бүлеге белгече Ларионова Н.В., прокурор ярдәмчесе Газизов А.Р. һәм тарих-җәмгыять белеме укытучысы Игнатьева Д.И. белән бергә, яшьләр ял итү үзәгендә “Фемида дәресләре” хокукый клубының “Административ хокук бозулар” темасына чара үткәрделәр.

Чарада видеоролик, презентация, бәхәс һәм балигъ булмаганнар белән әңгәмә кебек ысуллар кулланылды.

Нәтиҗәдә егетләр һәм кызлар үзләренең хокукый белемнәрен киңәйттеләр, үзләрен кызыксындырган сорауларын бирделәр. Социаль эшләр белгече балаларга “Административ хокук бозулар” темасына буклетлар таратты.