“Раштуа бәйрәме”

9 нче гыйнвар көнне шәһәрнең “Пирамида” кафесында Зәй муниципаль  районының  “Шатлык” комплекслы халыкка социаль ярдәм күрсәтү үзәгендә исәптә торучы, аз тәэмин ителгән гаиләләрдә тәрбияләнүче балалар  өчен  “Раштуа бәйрәме” уздырылды.

Менә инде 8 нчы ел рәттән бу чараны әлеге кафе җитәкчесе Фәргать Фаилевич Хәйруллин оештыра. Традицияга әверелгән Раштуа бәйрәме быел да бик күңелле узды. Сабыйлар - Кыш бабай, Кар кызы һәм  төрледән – төрле әкияти геройлар белән берлектә рәхәтләнеп уйнадылар, җырладылар һәм биеделәр.

Театральләштерелгән тамашадан соң балалар бәйрәм  табыны артында тәм –томнан авыз иттеләр. Раштуа бәйрәменән һәркем яхшы кәеф белән таралды.