Яр Чаллы шәһәре “Изгелек” инвалидларны тернәкләндерү үзәгендә гражданлык активлыгы һәм волонтерлык елы кысаларында “Рус ишарә теле” темасына мастер класс узды.
Мастер классның максаты: төрле социаль учреждение белгечләрен, социаль хезмәт алучыларны кабул иткәндә һәм аларны тернәкләндерү барышында аралашу өчен , жест сөйләм телен куллана белергә өйрәтү иде.
Мастер-классны Яр Чаллы муниципаль берәмлеге ТРО ОООИ «Бөтенроссия саңгыраулар җәмгыяте » рәисе Кононова Роза Хамбал кызы уздырды.
Чара ахырында белгечләр мастер классны системалы рәвештә дәвам итәргә тәкъдим иттеләр. Чарада 32 белгеч катнашты.