ЯҢАЛЫКЛАР
Татарстан Республикасы Хезмәт, халыкны эш белән тәэмин итү һәм социаль яклау министрлыгы 2025 елның 1 декабреннән 30 декабренә кадәр техник сәбәпләр аркасында Казанның Вахитов һәм Идел буе районнарында яшәүче аерым бюджет тармаклары хезмәткәрләрен һәм пенсионерларны шифаханә-курорт дәвалану (шифаханә-курорт дәвалануга юлламалар һәм шифаханә-курорт дәвалануга электрон сертификатлар) мәсьәләләре буенча кабул итү Министрлыкта гамәлгә ашырылачагы турында хәбәр итә (Казан шәһәре, Волгоград ур., 47 йорт, 101 нче каб.).
3 декабрьдә инвалидлар декадасы кысаларында Бөгелмә районының «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә «Спортландия» спорт бәйрәме оештырылды.
Мәскәү өлкәсендә IV «Гаиләдә яшәргә һәм тәрбияләнергә» бөтенроссия форумы эше дәвам итә. Форумда Лениногорск районындагы «Исток-Башлангыч» халыкка социаль хезмәт күрсәтү комплекслы үзәге директоры Елена Әхмәтҗанова да катнаша.
Иртәгә, 5 декабрьдә, Г. Камал исемендәге Татар дәүләт академия театрында IV Республика инклюзив балы узачак. Татарстан Республикасы Рәисе Рөстәм Миңнеханов ярдәмендә уза торган чараны «Э-моция» Иҗади инклюзив студиясе тарафыннан «Беренчеләр хәрәкәте»нең төбәк бүлеге белән берлектә оештыра. Чараның партнерлары – Татарстан Республикасы Хезмәт, халыкны эш белән тәэмин итү һәм социаль яклау министрлыгы һәм «Доверие» хәйрия фонды.
Югары Ослан өлкәннәр һәм инвалидлар интернат-йортында яшәүчеләр Чемпион» спорт комплексына чираттагы дәрескә «барды. Тәҗрибәле тренер җитәкчелегендә алар төрле тренажерларда шөгыльләнделәр, өстәл теннисы һәм баскетбол уйнадылар. Вакытны зур файда белән уздыруларыннан канәгать булып, дәртләнеп кайттылар.
Ел саен үткәрелә торган инвалидлар декадасы һәм «Инвалид балалар тәрбияләүче гаиләләргә ярдәм» региональ чаралар комплексын гамәлгә ашыру кысаларында Биектау районы «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре «Йөрәктән йөрәккә» хәйрия марафонында катнаштылар. Чара сәламәтлеге бозылган балалар тәрбияләүче гаиләләргә матди ярдәм күрсәтүгә юнәлдерелгән.
3 декабрьдә Казанның «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәгендә «Бердәм Россия» партиясенең Татарстан төбәк бүлегенең Казан җирле бүлеге вәкилләре белән әһәмиятле һәм эчтәлекле очрашу узды.
Яр Чаллыда «Ышаныч» халыкка социаль хезмәт күрсәтү комплекслы үзәгенең көндезге тору бүлегендә социаль хезмәт алучылар һәм «көмеш» яшьтәге гражданнар өчен «Энергетик» мәдәният сарае базасында концерт программасы узды. Бу чара инвалидлар ункөнлегенең истәлекле вакыйгасы булды.
Әлмәт шәһәренең «Ветеран» инвалидларны тернәкләндерү үзәгендә танып белү, күңел ачу һәм үстерү элементларын берләштергән чара узды. Дәреснең төп максаты кешеләргә үз-үзләрен тотышның уңай сценарийларын сайлауның мөһимлеген аңларга, аларның актив эшчәнлеккә мотивациясен арттырырга, шулай ук үз мөмкинлекләре һәм кыйммәтләре турында күзаллауны киңәйтергә ярдәм итү иде.
Алабуга өлкәннәр һәм инвалидлар интернат-йортында яшәүчеләр инвалид спортчылар, шул исәптән ишетү буенча инвалидлар һәм күрү буенча инвалидлар арасында спартакиадада катнаштылар.