Эшсез дип танылучыларның иң күбе эшкәртү сәнәгате өлкәсендә

6 июльдән алып, 12 июльгә кадәр вакыт аралыгында республикада иң күп эштән китүче 152 кеше моңа кадәр эшкәртү сәнәгате өлкәсендә хезмәт куйган. Шулай ук, эштән китүче 79 кеше азлап һәм күпләп сату өлкәсендә эшләгән.

Икътисадый эшчәнлек төрләре буенча караганда, эшсез дип танылучылар саны түбәндәгечә билгеләнә:

белем бирү өлкәсендә – 36 кеше, күчемсез мөлкәт белән операцияләр тармагында – 34, төзелештә – 33, дәүләт хезмәтендә – 32, транспорт һәм элемтә өлкәсендә – 30,  финанс эшчәнлегендә – 30, коммуналь хезмәтләрдә – 25,  авыл хуҗалыгында – 16, сәламәтлекне саклауда – 16, файдалы казылмалар табуда  – 15, кунакханә бизнесыннда – 11, энергетика тармагында – 8, балык тотуда  – 1.