Сарман районында үрнәк гаиләләрне тәбрикләделәр

Гаилә, мәхәббәт һәм тугрылык көне уңаеннан Сарманның "Шәфкать" гаиләгә һәм балаларга социаль ярдәм күрсәтү бүлеге белгечләре үрнәк гаиләләрне бәйрәм белән тәбрикләде. Биредә шулай ук иреклеләр үзәге волонтерлары, “Ак калфак” татар хатын-кызлар иҗтимагый җәмгыяте вәкилләре катнашты.

Бу көнне Хуснуллин, Шакиров, Азиханов, Зәкиевлар гаиләләренә кечкенә бүләкләр, чәчәк бәйләмнәре тапшырылды.

Үз чиратында, гаиләләр бәхетле тормыш итүнең нечкәлекләре белән таныштырды, тәҗрибәләре белән уртаклашты.