Төркем дәрес Түбән Каманың "Веста" үзәгендә оештырылды

Кичә Түбән Каманың "Веста" гаиләгә һәм балаларга социаль ярдәм күрсәтү бүлеге белгечләре "Без бергә" клубы эшчәнлеге кысаларында кабат инвалид балалар тәрбияләүче әти-әниләрне җыйды. Биредә алар белән үзәк психологы Альбина Шамиева тренинг уздырды. 

Тренинг барышында ата-аналар белән шәхси һәм төркем күнегүләр уздырылды. Бу күнегүләр, балаларның кече маторикасын яхшыртырга, ата-аналар һәм балаларның эмоциональ бәйләнешен үстерергә ярдәм итә. 

Белгечләр билгеләвенчә, уртак дәресләр, һичшиксез, мөнәсәбәтләрне ныгыта. Менә бу очракта әни һәм баланың гомуми эшен күзәтү бик тирән тәэсир итә.