Питрәчнең “Шатлык” приютында патриотик чара үткәрелде

Бөек Ватан сугышы башлануын искә алып Питрәч районы “Шатлык” социаль приюты тәрбиячесе “Ленинград блокадасы” дигән темага презентация күрсәтте.

Ул баларга немец гаскәрләре ленинградлыларны ничә көн блокадада тотулары турында сөйләде. Блокадада 2 млн. 544 мең кеше кала, алар арасында 400 мең бала да була.

Балалар блокада вакытында коры сөяккә калган кешеләргә карап, болай дип әйттеләр: “Ярый әле без тыныч тормышта яшибез! Бу мәшһәрләр безгә кагылмый. Безгә боларны күрергә язмасын иде”.