Эшкәртү сәнәгате өлкәсендә 108 татарстанлы эшсез дип танылды

15нче июннән 21нче июнгә кадәр вакыт аралыгында республикада иң күп эштән китүчеләр саны эшкәртү сәнәгате өлкәсендә. Монда 108 кеше эшсез калган. Шулай ук азлап һәм күпләп сату өлкәсендә - 74 кеше. 

Икътисадый эшчәнлек төрләре буенча караганда, эштән чыгарылганнар саны түбәндәгечә билгеләнә:

белем бирү – 38, күчемсез мөлкәт белән операцияләр тармагыннан – 42, транспорт һәм элемтә өлкәсеннән – 23, энергетика тармагыннан – 11, коммуналь хезмәтләрдән – 18, сәламәтлекне саклаудан – 19, төзелештән – 33, авыл хуҗалыгыннан – 17, дәүләт хезмәтеннән – 24, финанс эшчәнлегеннән – 38, кунакханә бизнесыннан – 5, файдалы казылмалар табудан – 19 кеше эшеләреннән азат ителгән.