Арчаның “Өмет чаткысы” үзгендә тернәкләнү узучы балалар “Юмарт күңел” проектында катнаша

Арча “Өмет чаткысы” мөмкинлекләре чикләнгән балалар һәм яшүсмерләрне тернәкләндерү үзәгендә “Юмарт күңел” проекты эшләре алып барыла.

Әлеге проектның төп бурычларының берсе – хезмәт аша мөмкинлекләре чикләнгән балаларның җәмгыятьтә тулы социаль адаптациясен булдыру. Проектта катнашу - ул яңа тормыш тәҗрибәсе алу өчен, әйләнә-тирә турында күзаллауларын киңәйтүгә, өй эшләренә сакчыл караш һәм ихтирам тәрбияләү өчен уникаль мөмкинлек. Балалар хезмәттә үсемлекләрне, чәчәкләрне, яшелчәләрне тәрбияләргә өйрәнәләр. Олылар хезмәтенә кызыксыналар.