Экология көне "Кама таңнары" приютында узды

Менделеевскның "Кама таңнары" балалар һәм яшүсмерләр өчен социаль приютында тәрбиячеләр Экология көнен үткәрү кысаларында тематик чаралар әзерләде. 

Педагог Светлана Филиппова белән берлектә балалар тирә-якны карап, йөреп кайтты. Биредә балалар агач исемнәрен, алар бер-берсеннән нәрсә белән аерылганын белде. 

Малайлар һәм кызларның белемнәрен тирәнәйтү максаты белән "Экологик светофор" уены үткәрелде. 

Көннең икенче яртысында педагоглар Наталья Крестьянинова һәм Айсылу Җамалетдинова "Сәламәтлек бәйләме" уен-викторинасы уздырды. Биредә балалар бик теләп табышмакларга җавап бирде, кроссвордлар, ребуслар чиште, сорауларга җавап эзләде.