Кукмараның халыкны эш белэн тәэмин итү үзәге белгечләре “Кидспейс” балалар шәһәрчегенә экскурсия оештырган

 Шушы көннәрдә Кукмара районының халыкны эш белэн тәэмин итү үзәге белгечләре “Синең киләчәк – синең кулларда” проектын тормышка ашыру йөзеннән, Кукмараның А.М.Булатов исемендәге күппрофильле лицей укучылары өчен Казанда урнашкан “Кидспейс” балалар шәһәрчегенә экскурсия оештырды.

Шәһәрчектә үткәрелгән вакыт аралыгында, балалар үзләрен киләчәктә сайланачак һөнәр ияләре буларак күз алдына китерделәр. Алар өчен төрле фантазияләрен тормышка ашырырга мөмкинлекләр тудырылган иде.

Бу мавыктыргыч экскурсия балаларны  бер генә көнгә булса да гаджетларын, компьютер-ноутбукларын онытып торырга, эш дөньясы белән танышырга мөмкинлек бирде.