Балтачның "Наз" комплекслы үзәге һәм Питрәчнең "Шатлык" приюты карамагындагы балалар кызыклы фән йортына барганнар

Бүген Республиканың "Гаилә" гаиләгә һәм балаларга социаль ярдәм мәгълүмати-методик үзәге  белгечләре Балтачның "Наз" халыкны социаль тәэмин итү компекслы үзәге һәм Питрәчнең "Шатлык" балалар һәм яшүсмерләр өчен социаль приюты карамагындагы балаларга   Кызыклы фән йортына экскурсия оештырганнар. Биредә алар интерактив фәнни-техник үзәк күргәзмәсен караганнар.
Балалар әйләнә-тирәнең төрле күренешләре белән танышканнар, физика, химия, механика һәм оптика кебек өлкәләрдә фәнни ачышлар дөньясына чумганнар. Техника төзелешен белгәннәр, авыр башваткычлар чишкәннәр, мастер-классларда катнашканнар.
"Гаилә" үзәге белгечләре кызыклы фән һәм техника йорты җитәкчелегенә  балалар өчен әлеге очрашу оештырганнары өчен зур рәхмәт җиткерә.