Министр Айрат Шәфигуллин Бөек Ватан сугышы ветеранын 90 яшьлеге белән тәбрик итәчәк

2 нче май көнне Бөек Ватан сугышында Җиңүнең 69 еллыгын бәйрәм итү уңаеннан Татарстан Республикасы Хезмәт, халыкны эш белән тәэмин итү һәм социаль  яклау министры Айрат Шәфигуллин  Бөек Ватан сугышы ветераны - тыл хезмәтчәне,  сугыш ветеранының тол хатыны Роза Вольфовна Моргулес янына киләчәк.  Ул  ветеранны 90 яшьлеге белән тәбрикләячәк һәм аңа РФ Президенты В.В.Путин исеменнән открытка һәм истәлекле бүләкләр тапшырачак.
Роза Вольфовна 31 ел буе - 1950 нче елдан алып 1981 нче елга кадәр КМПО заводының 11 нче сырхауханәсендә медсанчасть табибы булып эшләгән. Ире Моргулес Григорий Савельевич соңгы елларда Киров районындагы кичке мәктәптә тарих укыткан. 1988 нче елда үлгән. Улы 22 нче заводта инженер булып эшләгән, әмма 2002 нче елда ул да бакыйлыкка күчкән.  Килене - Татьяна Ивановна шул ук заводта  инженер-конструктор булып эшләгән, оныгы Ирина Владимировна "КазанОргСинтез" да эшли.  Оныкчыгы Анна исә Геманиядә социология  факультетында белем ала.
Моннан тыш шул ук көнне ялгыз Бөек Ватан сугышы ветераны Фәридә Газиз кызы Нигъмәтҗановага  хәвеф-хәтәр кнопкасы булган телефон тапшыру тантанасы да узачак.  Бу телефон Стратегик инициативалар агентлыгының "Кайгырту системасы" дигән проекты кысаларында бирелә. Билгеләп үтик, бу - инвалидлар һәм өлкәннәр өчен тәүлек дәвамында сыйфатлы медицина һәм социаль хезмәтләр күрсәтүгә юнәлдерелгән, безнең илдә уйлап табылган тәүге эшләнмә. Бу программа өлкәннәрнең тормыш сыйфатын яхшырта, аларга җәмгыятьнең тулы канлы әгъзалары булып калырга ярдәм итә.