Татарстан Республикасы Министрлыклары Татарстан Республикасы Хезмәт, халыкны эш белән тәэмин итү һәм социаль яклау министрлыгы

Казанлыларны эшкә урнаштырачаклар

2014 елның 3 марты, дүшәмбе

5 мартта Казанның Вахитов районы халыкны эш белән тәэмин итү үзәге белгечләре вакантлы эш урыннары мини-ярминкәсе үткәрәләр. Чарада шәһәрнең 5 предприятиесе кадрлар бүлеге вәкилләре катнаша. Алар арасында "Водоканал" МУП, "Горводзеленхоз тресты", "Метроэлектротранс" МУП, "Электроприбор" ААҖ Казан заводы, "Татарстан почтасы" почта элемтәсе идарәсе кебек предприятиеләр бар.
Ярминкәдә катнашучыларга инженер, мастер, бухгалтер, троллейбус йөртүче, слесарь-төзекләндерүче, электромонтер, штамплаучы, түбә ябучы, гальваник, тегүче, коючы, почтальон кебек белгечлекләр буенча 469 вакансия тәкъдим ителәчәк.
Ярминкә Павлюхин урамы, 102 нче йорт адресы буенча 9 сәгатьтә узачак.

Министрлыкның матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Бөтенроссия эшкә урнаштыру ярминкәсенең төбәк этабы 17 апрельдә узачак

Соңгы биш елда Татарстан икътисадына 92 меңнән артык кеше җәлеп ителгән. Республикада мәшгульлек дәрәҗәсе Россиядәге уртача күрсәткечләрдән югарырак, әмма билгеле бер дисбаланс саклана: 49 мең вакансия булганда рәсми рәвештә 3,6 мең эшсез теркәлгән. Бу хакта Татарстан Республикасы хезмәт, халыкны эш белән тәэмин итү һәм социаль яклау министры урынбасары Клара Таҗетдинова Бөтенроссия Эшкә урнаштыру ярминкәсенең төбәк этабын уздыруга багышланган матбугат конференциясендә сөйләде.

Яшел Үзән кадрлар үзәгенең яшүсмерләрне эшкә урнаштыру тәҗрибәсе иң яхшысы дип табылды

Яшел Үзәннең «Россия эше» кадрлар үзәге «Яшүсмерләрне җаваплы эшкә урнаштыру» Бөтенроссия конкурсында «Закон белән конфликтта булган һәм авыр тормыш хәлендә булган балигъ булмаганнарны эшкә урнаштыруның иң яхшы практикасы» номинациясендә җиңеп, югары бүләккә лаек булды.

апрель, 2026 ел

«Апрель» тернәкләндерү үзәге 25 еллыгын билгеләп үтте

Казанда «Апрель» мөмкинлекләре чикләнгән балалар һәм яшүсмерләр өчен тернәкләндерү үзәгенең юбилей кичәсе узды. Бәйрәм чарасы «Могҗизалар илендә 25 ел: апрель әкияте» дигән символик исем астында узды һәм юбилей уңаеннан тантана гына түгел, ә бу елларда көн саен чын могҗизалар кылган, балаларга беренче адымнарын ясарга, талантларын ачарга, авырлыкларны җиңәргә һәм үз-үзләренә ышанырга ярдәм иткән кешеләр турында җылы, эмоциональ хикәя булды.

Социаль хезмәтләр алучылар «Абилимпикс» чемпионатының төбәк этабында уңышлы чыгыш ясый

Яр Чаллы медицина көллиятендә инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» чемпионатының төбәк этабы узды.

ЯҢАЛЫКЛАРГА ЯЗЫЛУ