Татарстанлыларны социаль үзгәрешләр лидерлары инклюзив форумына чакыралар
2026 елның 14 августыннан 17 августына кадәр Мәскәү өлкәсендә Х юбилей халыкара инклюзив социаль үзгәрешләр лидерлары форумы – «Ритм Территориясе» үткәреләчәк.
Форум илдә инклюзив белем мохитен үстерү һәм, шул исәптән инвалидлыклы актив яшьләрне, икътисадка җәлеп итү өчен төп мәйданчык булып тора. 2017 елдан бирле проект Россиянең 70тән артык төбәге һәм дус илләреннән 4000нән артык катнашучыны берләштерде инде. Проект катнашучылары тарафыннан 80тән артык социаль предприятие булдырылды, 90 җәмгыяви әһәмиятле инициатива гамәлгә ашырылды һәм 60тан артык грант алынды.
Форумның белем бирү программасы социаль инициативаларны уңышлы гамәлгә ашыру өчен кирәкле лидерлык, команда һәм идарә итү компетенцияләрен үстерүгә юнәлдерелгән һәм биш тематик трекка бүленгән: коммерциялык булмаган оешмалар (КБО) һәм социаль предпринимательлыкны үстерү, МХО катнашучыларын реинтеграцияләү, инклюзив белем, социаль дипломатия, инвалидлыклы яшьләрне эшкә урнаштыру һәм икътисадка җәлеп итү.
Форум катнашучылары булып социаль предпринимательлык һәм коммерциялык булмаган лидерлык өлкәсендә үстергән теләге булган 18 яшьтән өлкәнрәк, шул исәптән инвалидлыклы кешиләр тора ала.
Форумда катнашу өчен заявканы 2026 елның 1 июленә кадәр территорияритма.рф рәсми сайтында бирергә кирәк. Форумда махсус укытылган волонтерлар эшләячәк һәм мөмкинлекләр мохите оештырылган, шуңа күрә һәр катнашучы үзен кулай хис итәр һәм команда эшенә тулысынча җайлашкан булачак.
Торак, туклану һәм форумда катнашу бушлай (катнашучылар Мәскәүгә һәм кире кайтуны үзләре тәэмин итәләр).
Форум оештыручылары – Түбән Новгород өлкәсе Хөкүмәте, АНО «Россия – мөмкинлекләр иле» һәм «Ковчег» Түбән Новгород өлкәсе инвалидлары региональ иҗтимагый оешмасы. Чара АНО «Яңа проектларны продвижениеләү буенча стратегик инициативалар агентлыгы» һәм Президент грантлары фонды ярдәме белән үткәреләчәк.