«Яңарыш» үзәгендә Яңа ел бәйрәме узды

2025 елның 23 декабре, сишәмбе

22 декабрьдә Бөгелмә районының «Яңарыш» мөмкинлекләре чикләнгән балалар һәм яшүсмерләр өчен тернәкләндерү үзәгендә «Яңа ел ыгы-зыгысы» уены узды. Балалар шатлык һәм күңел ачулар белән тулы мавыктыргыч Яңа ел сәяхәтенә киттеләр.

Чара барышында балалар табышмаклар чиштеләр, яшелчә һәм җиләк-җимешләрне исләреннән танып белделәр, тәм-томнар эзләделәр һәм күңелле итеп уйнадылар. Мондый биремнәр күңел ачып кына калмады, креативлык һәм аралашу күнекмәләрен үстерүгә дә ярдәм итте.

Очрашу ахырында балалар дәртле флешмоб оештырып, биергә тотындылар. Бәйрәм балалар өчен аралашу һәм шатлыкның мөһимлегенә, уңай хис-кичерешләрнең аларның социальләшүенә ничек ярдәм итүенә ачык мисалга әверелде.