«Кояшлы» тернәкләндерү үзәге белгечләре вакансияләр ярминкәсендә катнашты
10 декабрьдә Казанның «Кояшлы» мөмкинлекләре чикләнгән балалар һәм яшүсмерләр өчен тернәкләндерү үзәге белгечләре «Мега» сәүдә үзәгендә вакансияләр ярминкәсендә катнаштылар. Чара инвалидларны эшкә урнаштыруга ярдәм итү максатыннан оештырылды.
Үзәкнең кадрлар буенча белгече эш эзләүчеләр өчен индивидуаль консультацияләр үткәрде, учреждениенең миссиясе, хезмәт шартлары, актуаль вакансияләр һәм мөмкинлекләре чикләнгән балалар белән эшләү үзенчәлекләре турында сөйләде.
Консультация эшчәнлегеннән тыш, үзәк белгечләре ярминкәнең интерактив программасы кысаларында иҗади мастер-класслар оештырды һәм уздырды.
Тернәкләндерү үзәгенең вакансияләр ярминкәсендә катнашуы аның ачыклыгын, социаль җаваплылыгын һәм тернәкләндерү өлкәсендә һөнәри бергәлекне үстерүгә омтылышын ассызыклады.