Казанлыларны вакансияләр ярминкәсенә чакыралар
Иртәгә, 10 декабрьдә, «МЕГА» сәүдә үзәгендә интерактив программа белән зур вакансияләр ярминкәсе узачак. Татарстан Республикасының «Россия эше» кадрлар үзәге барлык дәгъвачыларны инвалидлар декадасына багышланган чарага чакыра.
Вакансияләр ярминкәсе 12:00 дән 15:00 гә кадәр түбәндәге адрес буенча узачак: Казан, Җиңү проспекты, 141. Чара эш эзләүчеләргә дә, һөнәрләрен алыштырырга ниятләгән татарстанлыларга да файдалы булачак. Сәламәтлек мөмкинлекләре чикләнгән кешеләрне дә кертеп, һәркем катнаша ала.
Вакансияләр ярминкәсендә Казанның әйдәп баручы эш бирүчеләре катнашачак.
Интерактив программа карьера квизы, гипс фигуралар ясау зонасы, арт-терапия һәм аквагрим, һөнәри юнәлеш бирү өчен өстәл уеннары, һөнәрләр белән виртуаль танышу өчен VR-зона, фотобудка, кадрлар үзәге белгечләре консультацияләрен үз эченә алачак.
Барлык хезмәтләр дә бушлай күрсәтелә.