Казанда «Спорт-сәламәтләндерү һөнәрләре дөньясы» инклюзив фестивале узды
30 ноябрьдә Казанда «Спорт-сәламәтләндерү һөнәрләре дөньясы» инклюзив фестивале уңышлы узды.
Фестиваль кысаларында һөнәри күнекмәләр конкурсы узды, анда менталь тайпылышлар белән катнашучылар үзләренең остаз-тренерлары белән флорбол, бию спорты һәм нейрогимнастика буенча ачык дәресләр үткәрделәр. Шуның белән беррәттән ата-аналар, белгечләр һәм башкарма хакимият органнары вәкилләре «Физик культура һәм спорт өлкәсендә менталь тайпылышлары булган затларны һөнәри эш белән тәэмин итү һәм эшкә урнаштыру перспективалары» түгәрәк өстәлендә катнаштылар.
Проект физик культура һәм спорт өлкәсендә менталь тайпылышлары булган затларның һөнәри компетенцияләрен күрсәтү өчен старт мәйданчыгы булды. Ул аеруча ихтыяҗлары булган яшьләргә адаптив физик культура һәм адаптив спорт белән шөгыльләнүне оештыру нигезләрен өйрәнергә, шулай ук флорбол, бию спорты һәм нейрогимнастика кебек юнәлешләрдә үз осталыкларын практикада күрсәтергә уникаль мөмкинлек бирде. Мондый практика аларның алга таба эшкә урнашу һәм тулы канлы социальләшү шансларын арттыра, стереотипларны җимерә һәм җәмгыятькә интеграцияләнү өчен яңа юллар ача.