«Опека» үзәге белгечләре хокукый темага дәрес үткәрделәр

2025 елның 30 октябре, пәнҗешәмбе

29 октябрьдә Әлмәт районының «Опека» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлекчәсе белгечләре балалар белән мошенниклыкны кисәтүгә юнәлдерелгән чара үткәрделәр.

Оештыручылар сөйләвенчә, мошенниклык актуаль проблема булып тора, чөнки яңа технологияләр барлыкка килү белән кешеләрне алдауның яңа ысуллары барлыкка килә. Бу хакта һәм проблеманың башка күп кенә аспектлары турында бүлек белгече сөйләде. Балалар мошенниклык төрләре, җинаятьчел хәйләләрне булдырмау ысуллары һәм таныш булмаган кешеләр белән аралашканда уяулыкны сакларга кирәклеге турында мөһим мәгълүмат алдылар.