«Ветеран» тернәкләндерү үзәгендә патриотик юнәлештәге чара узды
Халыклар бердәмлеге көне уңаеннан Әлмәт шәһәренең «Ветеран» инвалидларны тернәкләндерү үзәгенең көндезге тору бүлегенә йөрүче менталь тайпылышлары булган кешеләр өчен «Без барыбыз да төрле, Ватан бер!» дигән чара уздырдылар. Чараның максаты – ватанпәрвәрлек хисе, ил тарихына һәм мәдәниятенә хөрмәт уяту.
Чара башында хезмәт буенча инструктор Юлия Матвеева бәйрәмнең барлыкка килү тарихына һәм аның бүгенге Россия өчен актуаль әһәмиятенә багышланган мәгълүмати әңгәмә үткәрде. Ул илебез территориясендә яшәүче төрле халыклар, аларның гореф-гадәтләре, милли киемнәре, традицион ашлары һәм халык авыз иҗаты турында сөйләде.
Яшьләр викторинада һәм интерактив уеннарда актив катнаштылар. Чараның йомгаклау өлешендә катнашучылар уртак көч белән «Россия – безнең уртак йортыбыз» исемле коллектив эш ясадылар.