Буа районында медицина учреждениеләрендә 980 өлкән яшьтәге граждан булган инде

2025 елның 24 октябре, җомга

«Гаилә» илкүләм проектының «Өлкән буын» федераль проекты чараларын гамәлгә ашыру кысаларында Буа районының «Гармония» халыкка социаль хезмәт күрсәтү комплекслы үзәге авыл җирендә яшәүче 65 яшьтән өлкәнрәк затларны медицина оешмаларына илтүне дәвам итә.

2025 елда чаралар белән өлкән яшьтәге 1 100 гражданны колачлау планлаштырыла. Социаль хезмәт күрсәтү үзәге һәм район үзәк хастаханәсенең җайга салынган эше нәтиҗәсендә медицина учреждениеләренә Буа районының 980нән артык гражданы китерелгән инде.