Мамадыш районында өлкән яшьтәге гражданнарны медицина учреждениесенә илтү дәвам итә

2025 елның 13 октябре, дүшәмбе

«Гаилә» илкүләм проектының «Өлкән буын» федераль проектын гамәлгә ашыру кысаларында Мамадыш муниципаль районында авыл җирендә яшәүче 65 яшьтән өлкәнрәк затларны һәм инвалидларны медицина учреждениеләренә китерү эше дәвам итә.

«Кайгырту» халыкка социаль хезмәт күрсәтү комплекслы үзәге район үзәк хастаханәсе белән берлектә расланган график буенча илтеп җиткерә. Бүгенге көнгә чаралар белән 581 кеше колачланган, шуларның 381 диспансерлаштыру узган.