Көндезге тору бүлегендә катнашучылар яшьләр үзәгендә булдылар

2025 елның 9 октябре, пәнҗешәмбе

Идел буе федераль округының «Менталь сәламәтлек» проектын, шулай ук «Социаль туризм» программасын гамәлгә ашыру кысаларында Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең көндезге тору бүлегендә социаль хезмәтләр алучылар күптән түгел ремонтланган «Орион» яшьләр үзәгендә экскурсиядә булдылар.

Кунаклар үзәкнең заманча белем бирү һәм иҗат мәйданчыклары белән таныша алдылар. Экскурсиядә катнашучыларның игътибарын декоратив уенчык ясау буенча мастер-класс җәлеп итте.

Чара социаль хезмәтләр алучыларның социаль интеграциясендә һәм иҗади үсешендә мөһим адым булды.