Министрлык «Хезмәт базары: проблемалар һәм перспективалар» панель дискуссиясен оештырды
Россия Федерациясенең барлык субъектлары, шул исәптән Татарстан Республикасы да, федераль миграция законнарын үти. Виза режимы булган илләрдән чит ил хезмәткәрләрен җәлеп итү өчен квоталар системасы кулланыла. Бизнес гариза бирә, аны хуплаганда теге яки бу илләрдән чит ил эшчеләре килә. Бу хакта «TIME: Россия – Һиндстан. Үзара нәтиҗәлелек» бизнес-форумында ТР хезмәт, халыкны эш белән тәэмин итү һәм социаль яклау министры урынбасары Клара Таҗетдинова сөйләде.
«Бу механизм бездә бүген эшли, предприятиеләр чит илләрнең хезмәт базарын ешрак карый. Моннан тыш, республикада мигрантларны социаль адаптацияләү мәсьәләләренә аерым игътибар бирелә», – дип билгеләп үтте министр урынбасары.
Бүген Татарстан Республикасы Хезмәт, халыкны эш белән тәэмин итү һәм социаль яклау министрлыгы тарафыннан оештырылган «Хезмәт базары: проблемалар һәм перспективалар» панель дискуссиясе узды. Ул хезмәт базарының төп чакыруларына һәм чит ил белгечләрен яллау һәм адаптацияләү өчен гамәли карарларга багышланган. Чарада Һиндстаннан эшче көчләр җәлеп итү белән кызыксынган бизнес вәкилләре, шул исәптән Һиндстанның Хезмәт һәм мәшгульлек министрлыгы химаясендә эшләүче һәм Татарстанга эшче көчләр бирергә әзер булган рекрутинг агентлыклары да җыелды.